UJUG-UJUG JADI GURU DARING ??

Assalamualaikum temen-temen Daring, semoga pade sehat selalu

Aye mao mula-mulain nulis seputaran corona, sebut ajeh Mpok Koronah (MK), nyang lagi ngobrol liwat hapeh, ame salah satu guru di daerah antah ber-antah, sebut ajeh Guru Daring (GD), beginih ceritanye :

GD : assalamu'alaikum mpok....
MK : wa alaikumsalam ru.....

GD : ape kabar nye mpok? aye liat mpok ngayap bae' ampe kesonoh-kemarih, kagak cape' apeh mpok?
MK : lah..., kuan inih ru, aye ge' ora tau inih lagih ade dimaneh ?? (pusing)

GD :  mpok koronah, makasih ye', gegara mpok, ujug-ujug aye' jadi guru daring dadakan
MK : bisa begonoh ru ? pegimaneh cerite nye' ?

GD : lah....., pan gegara mpok ngayeng bae' ora puguh juntrugan-nye', kolaan libur mpok, onoh bocah pade belajarnye di rumah pake hape', mane hapeh aye masih kredit mpok.
MK : ett... dah, emangnye' ente bisa ru, ngajarin bocah pake hape'? ora danta pisan

GD : kuan inih mpok, ajarin aye ngapah ?
MK : ente kudu banyak belajar noh, ame bang yunus, die ajeh masih mau ikut pelatihan di era guru digital, tibang bayar dua ratus rebu mah, kagak sebanding ame ilmu nyang die dapet. bisa jadi guru daring nyang kagak cuman bisa ngasih tugas dari hapeh doangan.

GD : roman nyah mpok nyerocos bae' ? kasih tau lah, aye mo langsung daftar inih
MK : nih aye kasih tau, buat ente doang ru, jangan bilang sapah-sapah ye'....
klik ajeh gambar nyeh !!!! 

GD : mpok kok bisa tau ajeh ama e-guru ?
MK : enteh nanya mulu ru, udeh daftar belom? aksion...., aksion....., bgonoh kateh orang-orang nyang mau maju mah ru. isi deh nama ame nyang laennyeh, trus kirim, tunggu petunjuk dari sonoh, transfer deh, baru pilih mao ngikut pelatihan nyang maneh, begonoh. aye tau nyeh dari statusnyeh bang yunus, wew.

GD : status nyang maneh mpok ?
MK : entar aye kirim deh pake WA, ngarti kagak wa ?

GD : ngarti mpok tibang entuan mah, eh.. mpok, ngomong-ngomong sedari tadi nyang nelpon duluan siapeh mpok ?
MK : lah katahnya....., pan ente nyang salah sambung ru, mula-mulanyah

GD : eh, bujug......, bisa abis nih pulsa aye mpok
MK : nyang beginih nih, tibang pulsa ajeh ampe segituh nyeh, pan infoh dari mpok pegimaneh kurang beguna? ente bisa jadi guru daring nyang mantulll..... begonoh. ......, jangan mlegeg bae'

GD : iye' mpok maafin aye' mpok, makasih ye' mpok impoh nyeh. aye janji deh, pasti langsung daftar, trus mpok abis inih mau kemaneh?
MK : awas ajeh kalo kagak daftar, mpok samperin mao? mpok abis inih mao pulang ajeh ru, di marih kayak nyeh udeh pade idup bersih, orang-orang udeh pade berwudhu, sholat, be doa, dan ngajih, mane mpok betah tinggal ame orang-orang nyang selalu jage kebersihan.

GD : Alhamdulileh mpok, lagian bentar lagih kan bulan puase. orang-orang mao pade traweh, ngaji, dan laen nyeh mpok, selamat jalan ye' mpok, ati-ati di jalan, jangan balik lagih kemarih mpok.
MK : iyeee'....., ente juga kudu banyak belajar lagih ru, ikut pelatihan dll. jangan pelit ame duit kalo buat  investasih, moga ajeh bisa beguna buat dunia dan akherat. mpok pulang ye' ru....

GD : iye' mpok......, assalamu'alaikum....
MK : wa alaiku salam.........

nut....nut...nut......, telpon hapeh udeh di tutup

Kisah di atas, yang berawal dari salah sambung pak guru daring menggunakan bahasa betawi/bekasi, adalah cerita FIKSI belaka, maafkan jika ada kesamaan nama dan tempat, juga perasaan yang terluka.

Bisa juga ini dijadikan media pembelajaran daring untuk mapel Bahasa Daerah Bekasi/Betawi.

Semoga dari kisah salah sambung di atas, dapat menjadi pelajaran yang berharga buat kita semua.
segala sesuatu yang terjadi adalah Kehendak Allah, manusia hanya berusaha/ikhtiar. Di balik kejadian apapun pasti ada "HIKMAH-NYA". 

LAIHAN SOAL :

1.  Terjemahkan ke dalam Bahasa Indonesia pembicaraan via telpon, antara mpok koronah dengan pak guru daring di atas !!
Setelah itu terjemahkan kembali ke dalam Bahasa Daerah masing-masing, kecuali orang bekasi/betawi !!

==> Jawabannya dikirim ke alamat e-mail  Guru Bahasa Daerah masing-masing.  

2. Jelaskan dengan singkat dan padat Pengertian HIKMAH, maksimal dgn 3 kalimat saja !!!

==> Jawabannya di tulis pada komentar di bawah, atau japri ke saya, di tunggu yaa....,
        silahkan tanya ke embah google, di sana banyak pak kyai dan pak ustadz

Sampai ketemu pada materi yang lain,

Maret '2020

emyunus 

Referensi Klik =>  KUNCI DARING 

                 Klik =>  SLIDE INTERAKTIF     

Kembali ke     =>   MY LINKTREE